كلما تقابلني ريدة القي ذكراك فيني باقية لاني قادرة اعيدا تاني او اعيش في ريدة تانية ديمة عايش في حروفي وكل حواسي معاك راسية القليب اضناه بعدك والعيون سهرانة باكية ايوه غبت ورحت عني بس خيالك فيني ديمة كل ثانية تمر بدونك تعني لي سنوات اليمة الخطاوي بعيدة عنك تايهه محرومه ويتيمة كان مناي يا غالي ترجع وترجع افراحنا القديمه الفرح من دون عيونك مستحيل يصبح سعادة حلمي كان ابنيك عالي ذي شوامخ ودور عبادة وابقي راهب شان سعادتك يامني الروح يامرادة بس خلاص الفرقه حالت بيني بينك والله رادة كل مناي تسعد عيونك وتبقي في دنياك هاني اليقين الفيني عايش وبكرة تتحقق اماني الكريم يجمع شملنا في الاخير نتلاقي تاني ايدي ترجع تمسك ايديك تبقي جنبي ومني داني 🌼 اسيا الناير محمد🌼 ثلاثا 17/11/2015م