جفل ريدك محفل بي عزاباتي 

منور درب المحبه الضي

ونظلم في نهارتي 

مجرتك  حن الولف 

مكتول 

مزين بيهو اهاتي 

تعال نمسك درب الشمس

ونسك 

شعاعا الباهي نور

ونساكك ونتجارا نغلب 

كل الاماني عبور 

تعال نضحك تغش اللوم 

نسافرفي سحاب

ابيض يهاجر في سمانا يحوم 

يغني للمطر سك سك 

يسابق لاملنا غيوم 

تكب  طرح الحنين ترحال

عيون مويه للحزن بدك

تلال مكسيه بي وجع 

الزمن وهموم 

اغاني تراقص الموال 

تدوبي انين 

مدائن حاضنه الزرع امال 

وقلوب طربانه

منشرحه بتبحر في جوف

الشوق غرق وتعوم

واتمرد حضن قيدك 

 فرحان بيها جياتي 

واتعتق ضي   سلام وامان

حريه القلب محزونه

في زول ملبك بالحنان 

يا مرافي شايله ريدك 

شايله حب زي جنان 

عمقت خاطر المحنه 

واخمدت مر الزمان 

لو تفتش لي افق 

سابحه في سفر العيون 

يبقى لامست المشاعر 

وتبقى لاعبت الشجون 

يبقى صحيت نومة الاشواق

تعاين وويبقى راقصت 

الجنون 

ياسير جن المشاعر 

قلبي يبراك وين تكون 

جفل ريدك 

محفل بي عزاباتي 

واتمرد حضن قيدك

فرحان بيها جياتي

غادة الشمال