ما عزرت شقاك بي المره

ولاشالت حنينك صره 

ماسالت جداول ريد

يسقي روحك العطشي

بعد ريح الصدود ضرا

ماجاتك مع الانسام

تلامس في القلب اوتار 

توشوش للحنين سرا

هي دايما بس تكون رقراق

تضاحك في عيونك شوق

يسوقها دلالا تغترا

دي مافرشت طرف توبها

وغرفت من هواك هينين

رشت بيهو حال ضيقه 

وكت حرا

دي زوله ولابتكون واياك

وبينك وبينها شي مفقود

 مافايتاك ماناسياك بالمره

تعال بي جاي وتكن كل حروف الحب علي قلبا 

صحي بريدك 

وكت ما تجيهو بتسرا

تعال لي عيون 

كل مايضيق عليك الحال

تشيلك جوه نني العين

وتمسح دمعك الحري

تعال لي ناس 

اذا عتم عليك الليل 

بتفتح ليك قلوبها براح

اذا ضرع الوجع درا

في ناس بتعزرو ديمه شقاك

ومابتحمل تشوفك يوم

تصارع في ديوش الهم 

وحيد بره

اظنو سمعت ياسيد الجمال والذوق

انو هناك دواخل بي الحنين 

بتبوح وقلبا بي الوداد قرا

وحاتك ياملاك الروح

شلت حنينك الغالي 

وربطو من الوجع بالريد

معلق في شغاف الروح

مدسوس في القلب صره

 

مي ابولكيلك

القمره