ماقادره أتحمل خلاص
واتعذب لسا في هواك
ياما بحلم تحس بي وبي كلمه واحده أعيش أسيرة دنياك
لوتعرف غلاوتك وكمية الشوق الجواي
مانقادر اوصفا ليكا يا حبي وهناي
استنا طلتك ومتين تبين تتهلل أسراري وابقي اضحك اغني براي
ولو لحظه غبتا ابقي زي مجنون ودون شعور تنساب دموعي علي خدودي وابتهل انافي دعاي
يا ما حكيت عن شوقي وهيامي
وانت مافارق معاك
ما انت عندك دنيتك دنيا بتخصك براك
عايش تفاصيل حياتك ولا عليك ونحن نتعذب وراك
اتعلمت أكتب الخواطر بعد عرفتك بعد لقياك
وعرفت كيف نار الشوق لما تعشق زولا عمرو ما حباك
صدقني عايزه كلماتي توصِل شعور لي زول بريدك
ومحال انساك
وتبقي اخر كلمات ابكي بيها واترجاك
عزمت خلاص ادوس علي قلبي واعيش باقي عمري بلا هواك
وفي اللحظه دي انتهت حياتي وأعلنت مماتي
ف جنة الخلد اتمني لقياك
رندووش الجعليه
ساحة النقاش