يا أهل العشق
روضة كسﻻ
بسأل سؤال يااهل العشق❓
الريده ممكن في القلب
يوم تحترق تسوي شق
تزح مداميق الوريد
يقطع حبال الريده طق
يرطن فصيح ساعة أتخنق
قبليهو يمطر في الخلق
زي طير أبابيﻻ حجار
يرجم مشاعر ليها حق
بسأل سؤال يااهل العشق❓
النخرو سوس الريد وقع
يقدر يجبص كسرتو
القلبو من غيبوبتو فاق
صحيح تهضرب حسرتو
الجوفو بركان من حريق
يلدي الرماد في مرتو
والجلدو طخنو سوط ألم
نقدر بي نسمع صرختو
بسأل سؤال ياأهل العشق❓
الدمعو غلبو نشف سنين
بفر في ساعتو اﻻتغلب
مشدوه في نن عينيو تبين
روح المشاعر مات صلب
نهرين دموع ما غسلن
لحظة وعي ريدو أنسلب
أكوام حطامو أتفرزعت
كل الموازييين تتقلب
ساحة النقاش