كنا دايرنّك معانا
تدّي طول رحلتنا معنى
شِن طعم سفرتنا دونك
يا لحون دوبيت ومغنى
تبعثي البسمات تدّفي
ومن سماح القول بِنَغْنَى
وكنا دايرنِك معانا
شان جروف النيل تخدّر
لما شمس الزينه تشرِق
واللهيج الحالي طعمو
جوّه جوف الجوف يعشرق
تنتشي النخله وتصفق
ترمي لينا تمود ومِشرِق
وكنا دايرنِك معانا
لحن خالِد في الدواخِل
وغِنوِه من احلى الاغاني
نطوي ابعاد المسافه
غير م نتعب او نعاني
والزمن فِسراع بيمضي
وما بنشعر بي الثواني
وإنتي بس.. يلاك معانا
سهام يوسف
ساحة النقاش