يا ريد
شعر/ مقبوله
ياريد ها تعالي انا جا تعالي قريب وماك غريب م ياك حالنا
وياكا الفيك افكارنا وبنينا عليك امالنا
تعالي قريب
زمان عاشوك اجدادنا ريد طاهر مامظاهر
حب صالح م مصالح
بفخرو بيك وغنو عليك وفي اشعارم نظموك احلي بيوت وقالوا عليك
قالوا عليك ماك ساهل
كل زولا مشا في دربك حالو ظاهر
ضاق ويلك وسهر ليك وفي الامو شاف خيرك
وعن خيرك حكت لي ستئ مستوره قالت ليا يابتي انحنا زمان كتير في ريده مهجوره
مني البصرح بي زولا
تشوفي هناك تمرقي جري
تخلي طريقك تمشي كدي
لكن انتن يابنيه زمنكن دا غير زمني
هسي تعيشي ايامك بتقري الجامعه وتشوفي
توعدي تاني وتلاقي
بتمشي البيت بتضربي لي
في الوتساب ترسلي لي
صور وورود تعبري ليه عن شوقك وريدك لي
...لكن يابت بوصيكي
ويابت هاي بوصيكي كلامي اطري ولعادتنا ماتنسي
منو القال ليكي هي خرفات ودقا قديمه
منو القال ليكي ماتمشيها ماها سليمه
امشي عليها اعملي بيها اصبحي فيها امسي عليها ماها قديمه ياها القيمه
...ويابت هاي بوصيكي باسم الريده ماكل شئ
كوني حكيمه لعرضك حريصه امينه
لصلوتك ديما مقيمه
اطري جدودك وامي حليمه
ماتنسيها ياها الغيمه
ويا ريد ها تعالي انا جا
تعال ياريد علئ حبابك
ماقصدي اقفل بابك
كان هدفي اقول لصحابك
انك عفيق احساس مرهف الحاملو ظريف
زمان عاشوك بي تخريف
لكن في زمنا فيك مخاويف
وفي الختام معاك سلام
ماقصدي اخوف منك
كل هدفي ارسل عبرك لكل عاشق يحسن ظنك
لكل زولأ يحسن طنك
ساحة النقاش