ريدك

شعر/ مقبوله

سمعنا عن الريد كتير 

مالقينا لريدك مثيل

ريدك عبر فوق المنال

اتحدي قيس عنتر جميل

 

 

حسينا ريدك باحترام

عرفنا ايه يعني الغرام

عفه وفهم روقه ونظام

ريدك كبير فات الهيام

 

 

ريدك وصل حد الحدود

صمتك صدق تام ياودود

صبرك دليل لانتظار

نبلك توضع باختصار

 

 

ريدك حقيقي مامستعار

حبك اكيد مااحتمال

كسبت قلبي بانتصار

في نظرى افضل اختيار

 

 

ريدك حلو حبك وديع

انعشنا زي فصل الربيع

سيد الشباب ياناس عنيد 

رغم العناد انا لي بريد

 

 

زي الدهب صافي واصيل

كل الصفات فيك ياجميل

قدر جمالك مو قليل

كوني اسيبك مستحيل