كيف اكذب واقول ..
وقدر ما تحكي معاي
أعيش ف خيال
ارسم صورتو في فكري اتوه لا فهم لا راي
وأحسو ديمه ويغمرني واقول ياريت لو كنت معاي
قدر ما أترجمو وأحكي ليك عنو انت مابتتخيلو ياانت ما بتتصورو
احساس زول غرق في بحر الريد
يتمني بس لو يحظي بي لحظه عشم يلقاك ويشوفك بيها اكيد
تشوف براك كيف قلبي ليك يفيض فرحه وسرور زي يوم العيد
وما بقولو ولا بحكيهو انا تشوفو براك بي عينيك
تشوف أشواقي ياعمري لما عيني تكون جنبك تعاين ليك
وكيف رجفة أدي لما تسلم وتلمس يدي بي ايديك
و دقات قلبي تتوالى وتتشابى وينحبس الكلام جواي وما اقدر ارد ويغلبني ارد سلامي عليك
الساعه ديك جدتعرف مدي ريدي مدى اشواقي بي عينيك
شي عجيب وإحساس غريب
لما تحكي معاي
ولو شفت بس اسمي عندك بولع فيني نار الشوق يزيد حبي وينمو هواي
خليك حنين واحكي لي
جامليني مره وقولي بريدك
ياخ حاول مره اكذب علي
ببقى عارفه. كلامك لي مزاح وهزارما بصدق بس بتكفيني وكتيره علي
ما اصلو البريد كتير زي عارفا الريده فيها الهم وفيها مابنوم ليلي
ولا ف يوم ح اصدق ريدتك لي
دنيتك مليان ناس كتير وانا بفرض وجود لي
بس اتاكد اني بريدك يا احلا هدي ربنا رسلا لي
رندووش الجعليه
ساحة النقاش