أنا كرهتي الزول
البحبك من طرف
يدس عليك ما يكلمك
لو حتي بي تلميح حرف
ويحسسك انك ظلمتو
ما معبرو خاتيهو رف
مدي قلبك غيرو بس
فارش حنانك بي ترف
لمن يشوفك يتهجم
عرقو ماطر ما بجف
من جوه يتقطع أرب
لمن تفوت حتين يخف
مرات عيونو بي تبتسم
يشلع براقه تقول نجف
وانت بتسالمو بدون قصد
زي اي زول ليك يتعرف
وكت أصلك انت تحبني
غير خجل قولي تعال
نقعد سوا قعدة أنس
أفهمك وإفهمك معني الوصال
لو قلبي مشغول بي سواك
بقي عادي ليك أعتزر
اﻷعتزار شيم الرجال
ممكن يكون أصطلتفك
بس لﻷسف مافيش مجال
لو قلبي حبه واتكسر
بفهمك كل الحصل واقول محال
لو قلبي فاضي وما مﻻن
عجبتني الحب حﻻل
لو قلبي ميت ومنتهي
ما بخدعك بي قلنا قال
لو قلبي لسه بين وبين
ما بوعدك علي كل حال
لو قلبي قبﻻن بي هواك
أكلمك من غير سؤال
روضة كسﻻ
ساحة النقاش