الحب الكبير
مالك بتبخل بالسلام ؟؟
أم نحنا ما قدر المقام ؟؟
ولا الدروب فرقت خلاص ماعاد يفيد حتى الكلام
بيناتنا كان يا غالى ريد
أنا شايلو فى حدق العيون
كان عهدنا نعيش العمر أحباب وما نبرى الظنون
نخلص كمان لى أحلا ريد لانقسى لا الريد يوم يهون
بالريد نحلق قلنا يوم
بالفرحه بى فوق الغمام
انا ليكا أخلصت ووفيت ومعاك دروب الريد مشيت
أهديتك الحب والغرام
غير حسره غير هم مالقيت
قول ليا اتغيرت ليه ؟؟ ورينى قول مالك جفيت ؟؟
ضيعت للحب الكبير وجرحت قلبى المستهام؟؟
أنا لسه راجيك زى زمان وقليبى عامر بالحنان
يمكن يعود قلبك يحن
من قبلما يفوت الأوان
يمسح أساى الطال وطال يغمرنى ريده وحن كمان
لو رحت سبتنى لى أساى بعدك على عمرى السلام
زكريا صالح محمد عطبراوى
ساحة النقاش