خواطر بحار ......🎤    

 

منو الدسة الفرح في النيل  

وسرق عشم المراكبية .... 

ومنو الزار الضفاف بالليل   

وكان ميعاده عصرية .....   

منو الخايف يشيلو السيل    

علي وضح النهارية ......   

ومنو الفاقد شرااعه دليل   

ولاااااا مديهو اهمية ....   

ومنو الدسة الفرح في النيل

وسرق عشم المراكبية ...... 

🌹🌹🌹    

علاقة الموجة بالضففة     

حكاية قديييمة اذلية ....  

يسوقا الريح علي المرفأ   

تنوم في الشاطي منسية ...  

ومع ريحة الجروف تصحى   

زهور بالخضرة مكسية ....  

عناوين للجمال تحفة    

وداب شمس الله بكرية ....  

ومن الدسة الفرح في النيل  

وسرق عشم المراكبية ....   

🌹🌹🌹    

حكايتك يا بحر جواي    

عشق غيمات مزارعية ... 

ترشرش في يباب دنياي   

جداولك فايضة حنية ....  

محل قبلت انت معاي   

عوالمك جد خرافية ....  

تباشير لفرحنا الجاي   

عروس لنيلنا سمرية ....  

منو الدسة الفرح في النيل  

وسرق عشم المراكبية ..... 

🌹🌹🌹    

خواطر بحار ......🎤   

منيراحمدسليمان مسعود 

الاحد 6/12/2015.