@ بتخيلك @
بتخيلك فوق كل شئ
يا أجمل عشق جواي خفي
ادمنتا ريدك لي شهور
ما كنتا فاكرو بيختفي
عودتي عيني تشوف عينيك
كيف تمشي تاني وتتمحي
ولا القليب الكان معاك
ما مصدق إنو حينتهي
ايامو صبحت نار في نار
حتي العزاب بقي يشتريي
وبقي يدعو من غير ما يحس
وبأعلي اصوات يشتكي
يا ربي ترجع لي براي
وكل السمعتو يكون نهي
يا ربي اجعله قسمتي
واجمع قليب عاشق وفي
واجعل سعادته دائمة
والبسها من عطفك حلي
وخليني في ريدي وأساي
وانا ليكا دايمآ بنحني
ساحة النقاش