منو الاداك

 

منو الاداك اذن ترتاح 

علي نبض العصب والروح ?

شنو الخلاك تدوذن فوق 

حروف الريد تلتق في 

الغنا المجروح ?

لقيتك انت في دمي 

تذاحم في العرق ساساق 

تلاطف في مكامن البوح 

مرقت انادي واندهه ليك

واطمن قلبي بي لقياك 

يطلع صوت غناي مبحوح

قلبك انت ماهو معاي 

ولاحسيت بنادي علي 

ولا في يوم بجيني يبوح

وانا الشلتك مواويل حن 

شكيت الوجعه للقمره 

وتعبت من الدموع والنوح

انا اللوليت صغار الهم 

وكت كبر العشم جواي 

لقيتك انت كالنجمات 

بعيد بتلوح 

اتاري هواك في جواي 

خدر فوق صحاري الهم 

عطش وزهورو مابيه تفوح

عفوا يامليك احساسي 

شايفاك ضمه ماك مهتم 

وناكر الفي العيون مشروح 

 

مي ابولكيلك 

( القمره)