حاجة روعة حاجة روعة لما اسرح في عيونك وانت بتقول لي اوعى وابقي مشدوه في فنونك والزمن يسرقنا سرعة وحاجة روووعة لما يظهر فيني لونك وانت تابا تزيدني جرعة ياخي روووووعة روعة تاخد من شزاك وتهدي لليأسمين عبيرك تحكي للناس سر صفاك وعن جمال ما طلا غيرك وانت سيد الناس براااك ونحن تايهين في مسيرك ورائع انت .... ورائعة لحظات التلاقي للزهور تفتح مشاتل وتلبس الافراح طواقي ورعشة الإيد التسالمك ببقى اثرك فيها باقي وكيف ما اسرح في عوالمك وانت طيفك زاته راقي وانا كلما حاولت اكتب تلقاني غالباني الكتابة حتي الحروف خايفني اكذب ويبقو هم سبب الصبابة وبسمة منك لينا تعجب ترمي حسادك تعابة ونحن شوقنا علينا بغلب زي زرع راجي السحابة وانت في زاتك مهذب وكل خطوة تعد حسابة روعة انه تريد ملاك وليك يبادر بالمشاعر ويعلن انه بريد هواك وديمة بريدك بساهر يحلم انه يكون معاك شان تطيب ليهو خاطر وكل همه ينال رضاك زول يريدك ليهو آخر