انا من سنين كاتم هواك
كلنو في الاخر مرق
ماكنت قصدي ابوح واقول
سهواً لساني الإنزلق
انا ياما حصنتك سكات
بطه والناس والفلق
بس شوقي ليك اعلن تساب
وانا زول بخوفني الغرق
اللهفة واحلام ألتقيك
اتقالدوا وجاين سبق
وضاحة يابت كالنجوم
والحُمرة في خديك شفق
وااا ضيعة الشاف العيون
ماذنبو يتصبب عرق
يا الغالية شن معني السكات
والجوف من الصبر احترق
اسرجت خيل الشوق وجيت
ضخيني بالبسمات عبق
يا مستفة الايام حضور
سبحان اعظم من خلق
وجنات تضاهي البدر نور
والصبح من خدك شرق
ما تخافي لو عرفوا الخلوق
بسر غرامنا الاندلق
عهداً عليّا اصون غرام
يا ساكنة في الروح والحدق
نداء لحبيب طال انتظاره
فيصل ودالعشا
ساحة النقاش