معابر الدنيا

 

الدنـــيا بقـــت معـــــابر

تعلم الناس العـــــــبور

 

و البعبر بي بساطــــه

تلقاهُ دايما في سرور

 

السرور بجي بالمحبه

خليك دايماً صبــــــــور

 

واصبر اذا جار الزمان

اوحتى طالت شــهور 

 

والشهر اصـــبح ممحـق

يمضي زي عمر الزهور 

 

والزهور تسعد نفوسنا

 لما صاحبك ليك يزور

 

و البزورك  مـــا تهـــينو

او تحسسو بالـــغـــرور  

 

والبغرك هو البهينك

في النهـايه  يجــــــور

 

والبجور في دنيتك

خليهو للغافر الغفور 

 

اغفر ذنوب الجرحك

الدنــيا دايمـــــاً تــــدور 

 

دور محرك زورقـــــك

و أعبر كــــل البحـــــور

 

البحر بغرق العــــــوام 

يحطم اقوى الجسور 

 

أبني جســـرك بالمحبه

شيد بالمحبه قصــــور