غاية المرام
أشعار: هلالي 🌹🌹
لو معانينا الجميلة
أصبحت ماضي و ذكرى
و لو محبتنا النبيلة
شارفت تنعيها فكره
ابقي عشرة علي قليبك
ما تصيبك تاني عترة
وجوه احساسي المعذب
الفرح عايزلو فترة
🌹🍀🌺🌹🍀
البحب صادق و يعشق
كل جميل فالكون يجيهو
يسمو اكبر من محبة
و المكارم تصطفيهو
الا انت هواكي ماكر
كل مرة بتشتريهو
و اليبيع قلبو و عواطفو
باكر الأيام تُريهو
🌹🍀🌸🌹🍀
حبي ليك اجمل غرام
في ضفاف الريدة مرفى
الا يا غاية المرام
انكتب حظك ح يحفى
تمشي في جمر المداين
فيكي جنة و فيكي منفى
باكر امشي أعيشها وحدي
وبكرة قلبي يطيب و يشفى
🌹🌸🍀🌹🌸
كلمات : مجذوب هلالي
21.7.2015
ساحة النقاش