كتبت هواك نعيم أشعار : هلالي 🌸🌸 انا كم كتبت هواك نعيم .. باب جنة العاشقين رضاك اوحيلي من حنك كﻻم اقدر اترجم سر جواك اصل الحروف ما بتوصلك في حضرتك عجزت حداك يا وردة الريد الندية و نجمة الحب ضي صفاك يا روح قصيد لهفة و عتاب لحن اشتياق دافق رواك يا ملهمة شعري الوفية انا كم كتبت نعيم هواك كمين رسمت وشيك بدر يعكسلي في بعدك ضياك باب جنة الريده ف عينيك من باقي حنك و من وفاك بفتح دروب لقية و مزار درويش غرامك كم نداك اسقيه من حنك عفاف بي نظرة بي نسمة هواك يابس جواي راجيك هطول انا و السنين بارين رجاك كم مطرت غيمات امل ريحة دعاش عطر حماك هطلت علي مرجك وعود فاضت حنين غرق رباك غيمة فرحنا و كت تمر تطراك دمعات بي وراك مريودك الهايم يفوق يكتب نعيم حبك إلاك باب جنة العاشقين رضاك 🌸🌹 🌸🌹💞🌸🌹💞🌸 كلمات : مجذوب هلالي 29.10.2015