انا بعترف..
انك بقيت لي كل شي.
انا بعترف..
انو الدرب اصلا بلاك مابتمشي
انا بعترف..
لو العيون ماتشاوفت
شاف القلب وانا بكتفي.
انا بعترف..
انو الكلام لو مافي سيرتك بتنسي
وانو السؤال لومابأسمك ببتدي
دايما جوابو بكون نفي.
وانا بعترف..
انو القمر لو سمع الكلام
الاتكتب فيك بختفي..
ويزعل يفارق نجمو
كيف تقارني بزولا
القافيه منو بتختشي
وكل الحروف تصبح حرف
حتي الحرف ياخ بعترف
انو مابقدر يواصل..
معقوله بس..حتي النقاط
الفي الحرف ياخ تختفي.
~~~~~~~~~~~~~~
لمياء علي الفكي
ساحة النقاش