حبيبي انا ماشتكيت ولا حتى بي كلمة عتاب لا جهرت ولا اسريت والحاله في اصعب ظروف لما صديتني وابيت لمان كتر في الاسى لملمت اشواقي ومشيت ##### كتمت آهاتي وشقاي جاوزت بحر الشوق براي وفضلت احضن في الاسى وانا غيري مين بحضن اساي آه لو قريت فقه الغرام ماكنت بتحلل دماي تحرمني من لمسة حنين ونت بي يديك دواي ##### ماتستحي قول انو قلبك وهبتو لي زولا سوى
قول انكم ساعة اللقا بتبنو في الاحلام سوا
كيفن تهون لي عشرتي كيف يهون ليك الهوى
انا كنت ليك اعظم حبيب وكنت لي داك الدوا #### هلكت رواحلي علي هواك ضهبت فكيت الدرب
ياعيني كملتي الدموع يافرحي ليه نبعك نضب
مسكت ايديك القلم قلت ياريت لو بتكتب
بخلت علي وابت عديل شان شايفه ريدي كذب كذب
شاعر احمد حسن المقلي
ساحة النقاش