لو بقدر
عاميه سودانيه
ياريت والله لو بقدر
اصابحك انتي في كل لحظه في كل يوم ماانتي صباحك السكر
انتي النسمه
انتي البسمه
وانتي حنان يروق قلبي يوم يعكر
ياريت والله لو بقدر
ياحبل الفرح ممدود
فوق حلتنا
زمن لمتنا مافيش بين قلوبنا حدود
اريت والله يالمريود
يمين ياسيدي باﻻكتر
اريت والله لو اقدر
سﻻمك لي
كﻻمك لي
وكيف روحك عزيزه علي
ويازينة بنات الحي فوقي حلف وشايلو نضر
اريت ياانتي لو بقدر
اجيك والسحاب شايل واصوات الرعود تهدر
يجيكي الفال تجيكي العافيه
يجيكي زمان نقي واخضر
حكاوينا وغناوينا
تنبت طيبه حاجه عجيبه ويصبح شوقي ليك اكتر
ياريت والله لو اقدر
وفي آخر كﻻمي معاك
لي آخر العمر برجاك غرامك غيرو مابخبر
شاعر احمد حسن المقلي
الخرطوم
نشرت فى 24 ديسمبر 2015
بواسطة ah-med
عدد زيارات الموقع
51,407
ساحة النقاش