ياخلاي انا انجرحت

جروحي طول الليل ينزو

وجعي مامن زول بعيد

اذاي من زولي البعزو

#####

شن غيرك ايه بدلك

طول البعاد سواك غير

ماكنت احلامي ومناي

نفس المآل نفس المصير

ولمان اجيك شايل الاسى

كان تبادلني الشعور

وكتين اجيك مليان فرح

يهل علي دنياك سرور

####

حاربت بيك دنيا الحزن

عطرت بيك الامسيات

من يوم عرفتك وليك هويت حققت بيك الامنيات

هزمت بيك المستحيل

فارقت مر الذكريات

بالله ليه تسقيني مر

وترجع الوجع اللي مات 

######

اه يازمن اه ياشجون

مابعرف  البحصل علي

يارب باكر كيف بكون

خليتني للهم والاسى

رميتني في بحر الظنون

اتبدلت حالا عواطفك

اتغير القلب الحنون

 ماعافي ليك مشاعري ليك

ماعافي ليك سهر العيون