قوم روح عاميه سودانيه
قوم روح وسيب زوﻻ صبح يتغابى فيك العرفه ينكر عشرة السنوات
يﻻقيك زي مﻻقاة العدم ياسيدي كتير يتحاشى نظراتك وياحليل الزمان الفات
ده حلك كيف بﻻ تفارقو تنسى سنينو تنسى الفاتو والجايات
بفارقك ياسبب سهري سبب آﻻمي واﻵهات
وبنساك وانسى دنياي افارق احلى احﻻمي وابكي علي غرامي المات
ياماشين علي دربو
ياباكين علي حبو
ده مات قلبو وروحو بقت حطام ورفات
اتاريك من زمان خادعني
انا الشاريك وانت الكنت بايعني
بس لو كان توادعني وتراعي الغرام مرات
ليالينا واماسينا
اهازيجنا واغانينا واشعاري النظمتها فيك وكانت اصدق الكلمات
بقت اوهام
واي كﻻم وقلبي الهام صبح يتقاسم العبرات
بفارقك
ﻻعليك بندم وﻻ بطراك يوم بالصدفه
يمين اتغابى فيك العرفه ومن وين القى ليك بسمات
الشاعر احمد حسن المقلي
الخرطوم
اغسطس 2015