قناة أغاريد الجيل: "صعايدة" الشاعر عبدالله  صبري

صعايدة.....

صعايدة بنلف القمر في طرود 

فـــيتوزع نكت 
صعايدة من فرط الصمود 
جبنا لمعاني الذل كبت 
بنعطَّش الجيم في الكلام
و نقول بدال القلب جلب 
و نعطَّش الصبار عشان 
يسقينا طعم الصبر حُـب 
و نعطش الكون للدموع 
وقت المحن و نقول يا رب 
و نفوسنا لو عطشت كرامة
الدم يوصل للركب 
دبش الصراحة في دمنا 
و نقول علي ابن الكلب كلب 
خشنين و من رقة قلوبنا 
مشيلين الدنيا ذنب
بننام علي عزف الناموس 
أرواحنا طبّاعة فلوس 
و مقلعين الكدب ملط بعشقنا لصدق النفوس