بسم الله الرحمن الرحيم

من سلبيات الفيس بوك 

انك تلاقي منشور متكرر عن واحده بتطلب الدعاء لوالدتها المريضة جدا ولا امل في الشفاء فهي تعاني مرضا مستعصيا في المخ الغريب ان هذه الحالة متكررة ولكن باسماء متكررة نظرا لوهمية الموضوع اصلا ..ما الهدف من المنشور ؟؟

انك تلاقي واحد جايب رابط لصفحة تسيء لله سبحانه وتعالى والغريب اننا ننساق  وراء هذه الصفحات ونصدق ان الذي انشأها لا يريد الفتنة بين الاديان بل هو عدو الاسلام فقط .... هل تعرف دين الذي انشأها ؟؟؟

انك تلاقي واحد منافق كل الناس ويكون عامل فيك قصيدة مدح ولو قلتله الحقيقه وانه بينافق حد يقلب عليك ويشتمك و يعتبرك عدوه ... يا جاهل هو كان فيه حد من الناس دي حتى بيعبرنا برنه وليس اتصال قبل الثورة ؟؟؟؟؟

انك تكتب ان الصعيد بتاع كلام فقط وانت خير دليل على ذلك .....كلنا بنكتب ان الباقيين بتوع كلام طب حضرتك وحضرتي مش جزء من الكل ؟؟؟؟؟

انك تلاقي واحد بيرفض وبينادي بعدم الانسياق خلف العصبية القبلية وهو اول واحد بيزعل على احد اقرباءة لو تم نقده ...  هو قريبك فوق النقد ؟؟؟؟؟

انك تلاقي واحد عمال يكرر كلمة الحوار الصفصطائي وهو مش فاهم أ ب حوار ...... هو الحوار انك تكون ديكتاتور وتتغر وتفكر نفسك محصلتش ومفيش زيك لمجرد انك حافض كلمتين انجلش....هل تعلم  انك سبب عزوف الناس عن  حضور الاجتماعات ؟؟؟؟؟؟؟؟

واخيرا وليس اخرا 

من سلبيات الفيس بوك انك فاكر ان صورتي على الفيس بوك مفهاش شغل فوتو شوب واني ممكن احط صورة وحشه ليا ولما تشوفني على الحقيقة تقول يااااااااه انت تغيرت ........ليه هو حضرتك هتتجوزني مثلا ههههههه؟؟؟