خلاص
أنا مش قادره أسامحك
خلاص أنا عقلي رافضك
وقلبي وكل كياني
فرحت لما جيت
وقولت خلاص هديت
وربي استجاب دعايا
بصيت عليك لقيت
خنجر في ايديك
وقتلت حبك جوايا
خلاص
أنا مش قادره أسامحك
كفايه جرح ليا
كفايه لعب بيا
كفايه التمثيليه
كفايه .. تعبتني
كم مره خنتني
وجيت عليا وهنتني
وف الأخر . سبتني
كل مره كنت تيجي
وتجيب ايدك في ايدي
وتقول خلاص سامحيني
ولما كنت أسامحك
تعيد من تاني جرحك
خلاص
خلاص أنا مش هاسامحك
وكفايه
كفايه تعبتني
وكتير كتير عدبتني
وماقدرتش تحسني
كفايه ياابني روح
وما تفتحشي الجروح
دا انت جرحك ليا ياما
ساب في قلبي
مليون علامه
يلا .. يلا يابني
يلا روووووووووح
يلا وكفايه حروح
يلا مع السلامه
يلا وكفايه تمثيل
داأنا كنت أقول
داابني الكبير
لما كنت .. بافتكرك أصيل
لكن انت .. ياابني
ساقيتني من المر كثير
وترويضك شيئ مستحيل
يلا يابني
يلا يابني يلا روح
يلا بقي وكفاياني جروح
ماتحاولشي مره تاني
ان تطمع في حناني
أنا مش حمل جرح تاني
أنا عارفه اني هابقي لك ذكري
وانك مش هاتقدر ليا تنسي
وأكيد هاتفتكرني
ويومها راح اتبتسم
وتندم انك خسرتني
بس ما تحاولشي تاني
وتفكر ترجع ياغالي
وتقول . أنا أصلي بحبها
ولا تطمع يوم في ثانيه
أو تطلب فرصه تانيه
وتقول انا لسه باقي
علي عهدي وحبها
وأتمني يجي يوم
وأرجع تلني لحضنها
لأ .. كفايه ما تحاولشي
كفايه .. ما تعاودشي
علشان أنا مانسيتشي
اللي انت عملته فيا
وقد ايه انت عذبتني
وهنت عليك وجرحتني
كفايه
وافتكر انك دايما كنت خاين
عايش لنفسك أناني
كفايه بقي خلاص
كفايه يا أبن الناس
دا مش كفايه ان تندم
و تيجي وتقول خلاص
انت لازم ياابني تفهم
يعني ايه هوا الاخلاص
ياابني
كم وعد وعدته ليا
وكام . كم الظلم فيا
وكم عهد نقضته بينا
وتقول أنا دنيا وانت دنيا
روح يابني روح خلاص
روح يلا ياابن الناس
دا أنا كنت باسهرلك ليالي
لأجل ما أدعيلك ياغالي
ان ربي يرضي عليك
ويزيد النور في قلبك
ويقوي نور عينيك
والنهارده بردوا هاسهر
ادعي ربي يزيدك أكتر
من خيره وفضله عليك
هو عالم بيك وبيا
وانت ايه بالنسبه ليا
وايه اللي عملته فيك
واللي انت عملته فيا
وان مهما قسيت عليا
انت أغلي من نور عينيا
وان مش راح تهون
أبدا في يوم عليا
خلاص
أنا راح أحاول أسامحك
وأقنع عقلي اللي رافضك
لأجل ماقلبي يرضي عليك
زأقدر أرجع من تاني ليك
خلاص .. خلاص ياغالي
خلاص ياأغلي الغوالي
صفاء عبد ربه
