صدقينى
..... ..... .......
تسلمى يا عيون حبيبتى ..
نظرة الشوق .. ... قربتنى ..
سر همسك .... من ملامحك ..
لما عدى الشوق.. وخدنى ..
بحر هادى ... شط خالى ..
وف خيالى .. نجم صاحى ..
نسمه رايحة .. ونسمه جايه ..
من ملامحك .. فين ماتمشى ..
دا السفر لشطوط بعيدة ..
توهه .. تسرق خطوتى ..
وأنت مينا ..
وشط خالى فى خيالى ..
مدى حبل الشوق .. خودينا ..
قربينا .... بس اوعى .. تتوهينا ..!
أصل أنا ملاح .. وتايه ..
غربتى فى ليلى ............. سنينى ..
وأما شوفتك .. قلبى فاتنى
فى أنتظارك ... قلت أجيلك ..
حلم بيقربنى منك .
شوق ياخُدنى ... لحد عندك ..
هّدهدى ... فيا حنينك ..
وأمسحى من فوق عنيا ..
دمعتى .. حزنى ... أنينى ..
وأندهى .. لبكرة ... يجينى ..
أرمى جوايا حنينى .. قربينى ..
وأنسجى الأحلام حقيقة ..
وأمشى فى سكة يقينى ..
بس أوعى ... تتوهينى . صدقينى
لسه منتظرك .. سنينى !!
شعر .. حسن السحماوي ..