ظلمتك ياحظي .. و ياما قلت عليك كلام
كنت انعي حظي .. ومَكنش فيه بنا ابدا سلام
مانا ياحظي .. كنت فاكر انك ظالمني
و من نعيم الدنيا حاسس .. انك حارمني
حرمتني .. من ابسط الأشياء
عذبتني .. بهجر ودموع وفراق
وكتير ليالي .. م الوحدة مليت
وعلى حالي .. عيوني دمّعت وبكيت
اتاريك .. مخبي لي .. ضحكة كبيرة ..
فرحة كبيرة .. مفاجئة كبيرة .. ولا فـ الاحلام
ظلمتك ياحظي .. معلهش حقك عليا .. سامحني
معرفش انك ف الأخر .. هتيجي .. كده وتصالحني
اصل الإنسان من طبعه .. يتعجل الفرحة قوام
ظلمتك ياحظي .. و ياما قلت عليك كلام
ظلمتك .. ياحظي اشعار .. سعد المهدي
