عواف ياولد أبوى نايم للضهر كيف
دا الشمس سطعانه واحنا فى عز الصيف
ومالك شخير ودايخ يكونش عملت ضيف
وروحت للعوالم وابوك راجل عفيف
لا ياولد ابوى أنا ماليش فى الكيف
حبيت واحده تقيله بوها بيه فى جنيف
يكونش أميره دا تبقى واد كفيف
دا عاوزه قصور ياخوى وعاوزه واد نضيف
وانت ريحتك تقرف وابوك ما عندو رغيف
مالك غيران على وكلامك زى السيف
حبى مش فى ايدى وقلبى عمره خفيف
يابوى حسنين اتجن الطف يا لطيف
بيحب بنت الباشا من غير تكليف
ماتسيبو يحب يا واد طالما حب عفيف
ويمكن تحبو كمان ويبقى لينا حليف
