تفاحه ع الشجره
من الفرع هربانه٠٠
وقعت هنا فى حجرى٠
صبحت عيانه
هاتو الطبيب دوغرى
وقولوله ايه فيا
مش شايفه بعنيا
قال دى مسكونه
عفريت بجنونه
سألته على حالى
قالى وانا مالى
محتاجه دقه ذار
وصوره البقره
تقريها ليل ونهار
تفاحه جينيه
عفريته مخاويه
هاتولى مداويه
فى قلبى جمره نار
جابولى عرافه
عملت لى دقه زار
قاعدت تطب لى
وتقول كلام ياما
روحت فى دوامه
عفريتى يسألنى
صحيح انا جنى
وارضى انه يسكنى
وعيونو دابحه
وسكن لى تفاحه٠
عشان يعيش جمبى
ويحس بالراحه
ريت بصوت مدبوح
عفريت سكن ف الروح
خدنى معاك وامشى
وياك منين ماتروح
ضحك العفريت ياما
واللهى ماأنا طالع
لو جابو جاز والع
أو الف دقه زار
سرحت انا شويه
فكرت ف مصيرى
نديت على العفريت
وقولت له اطلع
من جسمى وحياتى
واسكن جسد غيرى
وفى لحظه دق الذار
خرج العفريت وطار
والليل طلعله نهار
حرمت اروح تانى
لشجره التفاح
عفاريت فى كل مكان
ساكنين شجر تفاح
بقلم / مياده عبدالعزيز
