-----خيانه-------------------
قال كبر ولدى وشد عوده
ورايح يخدمنى ويخدم بلاده
وجانى والبدله بتزين عوده
قلت انا خلاص ولدى بقى فى الجيش
خدتنى الفرحه وافتخرت انا بيه
ميل على ايدى وباس خدنى فى احضانه
وقال يا با ادعيلى سعتها دموعى سالت على منديله
سقيته من حنانى ضمنى من تانىوسافر بعيد ونسانى
وفى لحظه سمعت خبر كوانى
قالو ولدك بقى شهيد
قلت يا ناس دا لسه مسافر قريب
قالوا قتلوه الخاينين اللى لا رحمه فى قلوبهم ولا دين
حرمونى ليه من نبض قلبى
حرمونى من الشوق والحنين
فرحت لما كبر وقلت يكون عكازى
فى كبر سنى واحتياجى
حسبى الله ونعم الوكيل فى اعداء بلادى
وجابوه والعلم عليه ما عرفش انا اقول ايه
غير انه فداكى يا بلادى
غير انه فداكى يا بلادى
لشاعر/على فياض البلصفورى
قلب ينبض من صعيد مص
نشرت فى 4 ديسمبر 2014
بواسطة adwaeelmadina
عدد زيارات الموقع
40,000