مش بيدى
**********
لا بيدى ولا بيدك
عدى الشوق على خدك
كنا نروح ونتواعد
وقدرنا نتباعد
تموت الفرحة فى عيونى
الايام حرمونى
طفيت شموعى بدمعى
تنهيد الالم سمعى
كتبت وجعى بحروفى
كان الفراق شبح خوفى
مكتوب يا حبيبتى اتراجع
واتحمل جرحى ومواجع
عيشى العمر من بعدى
ظنى ان القلوب وعدى
ببكى والدمعة بخفيها
ببسمة كدب اداريها
تتعذبى وتقولى خاين
والغدر فى العيون باين
ودمعتك بتكوينى
لكن بكرة تنسينى
مش ليكى انا ولا هكون
عشقنا كان هوى مجنون
لفرحك هبعد انا
واتحمل نظراتك وظنونك
واتمنى لك كل الهنى
بحبك وعمرى ما اخونك
عشان تكونى سعيدة العمر
ابعد واجرع كاسات المر
وتظنى انى ببيعك
واهجر حضن ربيعك
لابيدى ولا بيدك
قسوة حياة منى بتخدك
بقلم / حاتم صلاح انور
