الشيخ محمد شرف
29قصيدة كتبتها بدموعى ودمى
للشاعر الشــيخ محمد شرف
بعنوان .............. زفة شهيد
**********************
نفسى أرسم صـورة ليكى
وإنتِ لبســــــــــة طرحتـك
طرحة حلـــوة برضـه بيضه
وأحضـــــر كمــان يوم زفتك
ليه الزعل اللى فـ ملامحك
بكره جـــــاى فيه فرحـــتك
جينا نهنى وكمـــان نبــارك
وإنتِ لســــــــة فى أزمتك
قلبك إنتِ برضـــه حاسس
ولســــة الألـم فى دمعتك
وراح ننــــــــادى ع العريس
ييجـــى يهـَــدى لوعتـــــك
بس النهــاردة ع الحـــــدود
عمـال يحـــــــــــارب لعزتك
وبكره ييجى ليكى حبيبتى
ومعاه حبايبه وشـــــــبكتك
يمسح بإيده برضه دموعك
ويفضل يحـــــارب لنهضتك
ويخلى نهـــارك حلو وردى
وياخد بإيـــــدك من كبوتك
وفجأة جالك برضه العريس
وبرضـــــه زادت أزمتــــــك
جالك عريسك ولبسه ميرى
مصبوغ بدمــــــــه يالوعتك
جالك شــهيد حامى ترابك
علشـان عيونـــك ودنيتـــك
يامصر إنسى .. إنسى الجراح
ونـــــادى يــلا على زفتــــــــك
زفــــة شـهيد ضحــى بدمـــه
ودمــــــه النهـــاردة دا حنتـــك
شـهيد شـريف وكمــان عفيف
قـــدَّم حياتـــــه لعزتــــــــــــك
ودمـــه ســــال على ترابــــك
على إيد كــــــــــلاب يافجعتك
سـايب هدومــه ذكرى ليكــى
يمكن تكــون دى ســـــــلوتك
وربى شــاهد إنـــك هتاخدى
بتــار حبيبــــك وسُـــــــمعتك
أعجبنيأعجبني · · مشاركة
