انا الشهيد 00000
انا الشهيد ما تعيطيش
يا امه بقه
انا صحيح دمايا سالت
على الرمال
وباتت اعضائى متفرقه
انا تصيبى اموت كدا
علشان غيرى يعرف يعيش
مش فارقه انى اموت ف حضنك
او لابس لبس جيش
انا اللى ضحيت بحياتى
لجل ابنى ف يوم يعيش
حبه ف امان
مش كل يوم ضرب رصاص
ونلقا قنابل على البيبان
انا هجيلك ف المنام
واجيب معايا حفنه تراب
من رمال الغاليه سينا
وغيرك يا بلدى ماليش
علشان تعلمى ولادى
لما الوطن ف يوم ينادى
نجرى عليه نلبى الندا
نعيش نموت ما يهمنيش
والنبى ياامى ما تعيطيش
انا رايح لحضن ربى
وذى حضنه دة مافيش
70 الف من الملايكه
طايرين على هيئه حمام
بيجهزولى الف بيت
ويبنو ميت مليون مقام
وكام عروسه مستنيانى
فرشين طريقى كله نور
ومجهزين لى العطور
علشان استحمى وانام
بوس لى يلا ابنى حمزه
وبلغى اخته منار
ابوكى فخر لكل عيله
وبيحكو عنه الكبار
وانتى يا امى يا حبيبتى
ركزى ف ضى النهار
هتشوفينى ف كل بسمه
فوق شفايف الصغار
وكل فرحه ف عيون صبيه
وزغروده ف كل دار
هتشوفينى جوه البدله
الا طهرها دمايا
هشوفنى جوه جنه ربنا
وانتو معايا
بس يا امى ما تعيطيش
الرصاص الا دخل قلبى وجسدى
ده حيانى ما قتلنيش
اصل يا امه هى موته
جوه حضنك والا جوه بدله ف جيش
الام 0000000000
انت ياواد تحويشه عمرى
الا راح منى وفضلى
هفتح قبرك والله الليله
جوه ف قبرك صحبه جميله
لاء مش هبكى عليك انا تانى
ولا تتعزب من احزانى
انا رح اجيلك واقعد جمبك
اصل يا واد قلبى انا بيحبك
بس دى حكمه وقدر ربك
انك ف القبر ده هتنام
وروحك طايره ف سرب حمام
بس تجينى يا واد واوعدنى
انى هشوفك ف الاحلام
انا رح ازفك يا بنى عريس
ورح اطفش شياطين ابليس
اللى بيبكونى عليك
انت واد ماشى ومفارق
وبعادك ف قلبى نار حارق
بس الجنه تمنها شهيد
وابنى اهه ومراشى بعيد
اصل ارواحنا دى تبقه عبيد
وملك دايما للغفار
وانت يا واد فارقت الدار
وانا قلبى فرحان وسعيد
الشهيد
يلا ياامى انا ماشى خلاص
صلو عليه جميع الناس
ف ملاك بينادى ويقول
شوف الجنه يا عبد الله
انا ماشى وطالع وياه
وهتقابل عند الله
يوم الشفاعه والغفران
يوم ما يشفعنى الرحمن
ف سبعين من حبايب قلبى
ف الجنه هلاقيهم جمبى
ودى احلى هديه من الزحمن
بقلم / مياده محمد
أعجبنيأعجبني · · مشاركة
