(عيب)
ورحمة زماني اللي عدي غريب
أكيد يبقي عيب
نسيبك تضيعي
كدا بين ايدينا
وعيب علي كل الشهامه اللي فينا
وعيب علي كل شالت وربت
وحملت طبيعي
وعيب علي كل اللي رضعك حليب
وقلبه مشعلل في عشقك لهيب
دا لو حد باعك
لا يمكن تبيعي
احنا اتخلقنا
لنفدي ترابك
هانجدل كل الصبر ف حبالك
وكل النسور المرابطه قبالك
بتغرس كل النخيل ف شبابك
هايطرح بصبرك
وكل الحدادي اللي تحفر ف طينك
يدفنها قبرك
كفروا بحنينك
ف دوسي علي كل كافر بدينك
دا ربي ما خلق اللي يقدر يهينك
ورحمة زماني
ها رابط مكاني
واعد الثواني اللي باقيه خطاوي
واوصي ولاد الولاد من ولادي
يفضل تاريخك
وسام في قلوبنا
بكل الاماني
واجمل اغاني
ﻷني في عشقك
ربي كفاني
(تنهيدات صلاح يوسف)
نشرت فى 29 أكتوبر 2014
بواسطة adwaeelmadina
عدد زيارات الموقع
40,000