مؤسسه الحسينى للاعلام * ( رحل حبيبي . === ) *بقلم.اشعار .. سعد المهدي

رحل حبيبي ..
رحل حبيبي .. رحل بعيد
سابني للدنيا .. فيها وحيد
سابني للبكا .. ودموع بتزيد
سابني للألم .. يمشي ف الوريد
و لحرقة القلب .. ونار بتئيد
رحل حبيبي .. رحل بعيد
×××××
صوته ف فكري .. لا يمكن انساه
صورته ف قلبي.. هعيش ذكراه
وخياله ادامي .. اقول الله
يارب اتقابل.. تاني معاه
ويجمعنا انا وهو من جديد
رحل حبيبي .. رحل بعيد
×××××
يوم والتاني .. بتعدي
والزمن واقف بيهدي
فاكر لما كان عندي
فاكره وهو ادامي ماسك يدي
وبيديني بوسه علي خدي
ويقوللي: انا روحي لك ادي
وروحي لبلدي افدي
اصل انا بَحبكم .. حب شديد
حبيبي يارب تعيش سعيد
رحل حبيبي .. رحل بعيد
ابويا ف الانفجار مات شهيد
×××××
رحل حبيبي ..اشعار .. سعد المهدي