---خيانه----------------------- قال كبر ولدى وشد عوده--
ورابح يخدمنى ويخدم بلاده
وجانى والبدله بتزين عوده
قلت انا خلاص ولدى بقى فى الجيش
خدتنى الفرحه وافتخرت انا بيه
ميل على ايدى وباسه
خدنى فى احضانه
وقال يابا ادعيلى
سعتها دمعى من عنيا
سال على منديله
سقيته من حنانى
ضمنى من تانى
وسافر بعيد ونسانى
وفى لحظه سمعت خبر كوانى
قالوا ولدك بقى شهيد
قلت يا ناس دا لسه مسافر جديد
قالوا قتلوهم الخينين
اللى لا رحمه فى قلوبهم ولا دين
حرمونى ليه من نبض قلبى
حرمونى من شوق السنين
دنا فرحت بيه لما كبر
وقلت يكون عكازى
فى كبر سنى واحتياجى
حسبى الله ونعم الوكيل
فى اعداء بلادى
وجانى والعلم عليه
ما اعرفش انا اقول ايه
غير انه فداكى يا بلادى
غير انه فداكى يا بلادى
علي فياض البلصفوري
نشرت فى 27 أكتوبر 2014
بواسطة adwaeelmadina
عدد زيارات الموقع
40,004