قطر الحكايات
وصلنى وتاه
عن عينى وراح
يرسا ف مرساه
وساعات وانا
واقف بستناه
وركبت علشان
اوصل دوغرى
وحشينى ناسى
وصاحبى وأهلى
لحكاوى القطر
صبحت أسير
ف حكاوى كتير
توهنى معاه
ده عجوز عمال
يبكى بدموع
على ابن رحل
وما عدله رجوع
على قبره يأيد
فى الجمعه شموع
وسنين مجروح
ولا لاقى دواه
ودى ام راح
منها شبابها
على زوج وعيال
كانو احبابها
هجروها ولادها
وزوج كداب
وف عتمه وضلمه
ف يوم سابها
والدمعه ف عينها
بتحكى الاه ه ه
ودى بنت جميله
فى رشاقتها
اول مالمحتها حبتها
رايحه ضيفه عند خالتها
تتعالج م مرض السرطان
وعذابها ياعينى
أشكال والوان
وحمده وشكره فضل الله
وده راجل قاعد
هنا سرحان
وملامحه بتحكى
طريق أحزان
والعار غطاه وأه يانا
بيدور على بنته الغايبه
يتندم على تربيته الخايبه
على بنته القاسيه الطفشانه
هربانه منه وبقلها شهور
بيدور بعيون غضبانه
حالف لا يجبها مقتوله
خسرانه ياقاسيه خسرانه
ذمبك وجزائك عند الله
وده شاب بيسخط ويسبب
واقف ف القطر يبيع حكايات
والناس كلها قاعده تعيب
ويقولو ياخساره ع الشهادات
أذاى راجل خلص جامعه
واقف فى القطر يبيع شربات
وعلامه قرب يوم ينساه
ودى طفله بريئه قاعده بتبكى
وتمد أيديها فى الزحمه
ودموعها فى عنيها بتحكى
وتقول ساعدونى ياأهل الرحمه
أمى مرضانه بتتألم
ساكته والفقر بيتكلم
والكل قامو يساعدوها
غلبانه والله يا حول الله
بكيت كتير ع المظلومين
جوه القطار قلبى أتحرق
نازل انا بعد دقيقتين
من القطر لأزم نفترق
يلا بقه هقول سلام
سكت الكلام
وصل القطار ع الرصيف
ونزلت وبقلبى الضيعف
ادعى واقول يارب توبه
أركب انا قطر حكايات
الوقت فات وانا م سكات
دموع عينى ذى المطر
ع المريضه والفقيره
وكمان ع الجدع اللى مات
وساب عجوز
يارب دى حكمتك بين البشر
بقلم / مياده محمد
أعجبنيأعجبني · · مشاركة
