ولسه بتسألينى مالك ..
وانا قلبى الصغير بكى ..
بذمتك موش سامعه صرخاته .
.ركب الخسيس فوق كتافى ..
واللى اختشو ماتو ا
ولا عاد حد بيعرف يميز .
.ما بين الخسيس والاصيل الا بدمعاته .
.لا عاد فيه قيم ولا دين خلاص ....
كل الحجات الجميله دى .
باعوها الناس برخص التراب..
وفى كل زيف وخداع فاتو ا.
.ولما اتكلم كلمه حق ...
يصرخ فيا الخسيس بعلو صوته ..
ويقول خليه بنقطنا بسكاته..
وكل البراءه والاصول الطهاره والنزاهه صاروا تهم ...
علشان تعيش وسط البشر لازم يتفاتو..
وانا يا ناس اجيب من فين صبر..
اتحمل بيه جهل سعادته...
البيه غبى ما يفهم الا اللى يشبعلو رغباته..
وانا لو كنت راح اتسول لقمتى..
عمرى ما راح اطاطى راسى وانفذله رغباته ..
الحر يفضل حر ويقول كلمته فى وش الزمن ..
ولو كان ثمنها موش بس لقمته ..
لا لو كان ثمنها حياته..وحرياته ..
احمد بيومى..