من قلبي أنا بأدعي عليك
إبعد عن قلبي يا قاسي
يا اللي ما قدَّرتش إخلاصي
يا جرحني و عامل ناسي
و محير فيك إحساسي
يا معذب أهلي و ناسي
فكرك هتروح من راسي؟!
أو هأرحم دمع عنيك؟!
لا يا خاين هأدعي عليك
دا جراحي كانت بإيديك
أصلك بياع غدار
و لا يوم صُنت الأسرار
حبيتك أيوة بقوة
و رميتني في قلب النار
إبعد عن قلبي يا قاسي
روح يلا و سيبني في حالي
أصلك مش أد جمالي
و لا تاني هتشغل بالي
و لا تبقى في يوم خيَّالي
روح يا ابني الله يهديك
بأدعيلك أيوة يا قاسي
من قلبي الله يبليك
بالحب اللي معذبني
و يصحي النوم في عنيك
و يحير فكرك دايما
و لا حد يحن عليك
روح يلا و سيبني في حالي
روح يا بني الله يهديك
كلمات و إلقاء الشاعر
المصري / محمد العراقي
