أوان الشمس
ولسة الشمس بتنادى
وجاية علينا بتصبح
كسفها الظلم بأيادى
بترمى الحلم وبتدبح
تقول دة مجد أجدادى
واحنا فى العمى نمدح
يهون الحلم وندادى
للقمة عيش بها نفرح
أسيب أنا إيه لأحفادى
ولادى فياأنا بتجرح
بالفتنة علوا أحقادى
عدوى ف غرقتى ينبح
وقعت ونسيوا أمجادقى
و جار الجاز بيتمرجح
يزيد الفرقة بتمادى
فى نيل الدم راح يسبح
العيشة جوايا رمادى
وعنى الغلب مابيسرح
وجاى الوهم تانى يذل
لعزم الحلم فينا يعل
يقول ويعيد وما بيمل:
شمسنا مش أوانها تطل
ولما يلون زهرنا بالدم
يسري في عروقنا الهم
يطرح فى الجناين سم
ساعتها النور علينا يهل
من طاقة ..ولاد العم
