حبيبتى ..
عارفه لما بتوحشينى بعمل ايه ..؟..
بنام بسرعه.. واطلب من الحلم..
يا اما يجيبك ليا.. او ياخدنى انا ليك .
و.ساعات يجيبك.. وسعات يغلس قوى..
وعن جفونى يبعدك وبخبيك .
.ولما تجى زى موجه..
اعمل روحى شط ..
واحضنك وافرح قوى بيك ..
وسعات احسك نسمه هواء..
فى ليل البعد اسرح انا فيك .
.وبسرعه زى طفل يتيم الاب وانت امه..
بخاف قوى عليك ..
لو غبتى لحظه اتجنن ..
.واصرخ بعلو الصوت انادى عليك .
.واعلن عليك الحب ..
وزى الوشم على جلد الصدر ..
احفر صورتك بظفرى..فى عمق الجلد ..
وبلحمى الحى ارجع وعن عيون الناس ..
وتحت الجلد بسرعه و اخبيك .
.ولما اطمن انك خلاص بقيتى منى..
تذوب المسافات اللى بتفصل بينى وبينك ..
اقوم احبك اكثر واشوفك فى النهار الشمس..
وفى الليل القمر والنجوم حواليك .
.عارفه والله بحبك قوى بجد ..
و بموت من الخوف .انا عليك ..
ولو حاسد قالك فى يوم انى نسيتك او خونتك .
.اضحكى لحد ما يشوفوا الدمع حبات لولى جوه عينيك ..
ما انا ازاى اخونك وانت مولده ليا..
وانا رغم فرق السنين مولود كمان ليك .
.انت حبيبتى موظنك صدرى ..
وبين الحنايا من ربنا نور يحمينى ويحميك .
.ومن زمان قوى وهبتك عمرى ..
والله عارف انه موش خساره فيك .
.فلما نتكلم سوا اقفلى علقلك..
وافتحى قلبك واحضنينى بعزم ما فيك..
وشوفى نفسك فيا ..
فانا مرايتك والنور اللى جوه عينيك .
.لا انا كمان حرفك واحساسك واهلك وكل ما ليك..
تغريده عشق احمد بيومى...