احبابى ..الليله انا داخل احلم ..حلم جميل ..
موش عاوز ازعاج .فبلاش كومنت ولا حتى الشير ..
ده حلم خصوصى ممنوع على الغير ..
عموما خلاص انا داخل فيه وده حلم خطير ..
ارجوكم .الهدوء التام و .ده اخر تحذير ..
اقرا لو عاوز بعيونك بس ..من غير تصفير ..
وبلاش تتريق لو سمعت شويه تشخير ..
طبعا ده حلم ومحتاج لموسيقى تعمل تاثير ..
الحلم يا ساده نوع من التنفيس..
نوع من التغيير ..
الحلم يا ساده زى الحلوى لكل فقير ..
وفى الحلم يا ساده الرزق وفير ..
والفرح كثير من غبر بعزقه من غير تبذير ..
فى الحلم ممكن ارنب يطلعلوا جناح يحلق ويطير ..
وفى الحلم بردوا جرو صغير يطلعلوا زئير ..
ولكن فى الحلم صدق ومفيش تزوير ..
و فى الحلم كمان امان وسنابل خير ..
وانا حلمى لمصر جميل وصغير ..
شايف شعب بجد اتغير وبقى عنده خشى وضمير..
كله بينتج وبيدى لمصر من غير تقصير ..
فلوس كانت تحت البلاطه طلعت لبنى وتعمير ..
والعدو غدار مليانه بصته حقد ومرار ..
واعلام كذاب اشكاله زباله والامر خطير ..
عاوزين شده عاوزين تدبير ..
بس الى مطمنى انا ليا رئيس طيب وقدير ..
بيجمع من بين الناس كل خبير ..
بيحاسب بصرامه غفير ويا وزير ..
من غير تهديد بيحاسب فورا على التقصير .. 
وبكل الصبر بيلاعب موزه امريكا والاخ بلير ..
ده غير الاخوان والارهاب من كل حقير ..
وبكره انا شايفه جاى بيضحك بصعوبه لكن بالخير..
ومساء الخير ..
انا قمت خلاص من نومى اشارك مع غيرى..
بقلمى وعقلى وفكرى وموش عاوز تقدير ..
احمد بيومى