الحكاية ان مفيش حكاية
الحكاية خلصت قبل النهاية
وهل قبل الليل فجرى
ودبل زهر عمرى
البت اللى انا حبيتها
سا بتنى من غير توديع
زى حكاوى الف ليلة
حبيبتك تسيبك و تطير
زى افلام السيما
بتحكى كلها حكاية
محفوظة صم و قديمة
البطل اخرها يضيع
ويعيش بدون ربيع
كل ايامه خريف
وشتا بضحكة مشتته
احلامه بردا نة مفتتة
وصيف الطف يا لطيف
مليانة ايامة تخاريف
باهتة فيه المواضيع
والعمر اخره ف اوله
ليله الشوق بيطوله
و يحرك جرح سقيم
دواه ف صوت حليم
و يرجع الماضى الرايح
ويروح القلب ف تسليم
لذكرى حلوة وروايح
والنهار بيسلم بكرة
نفس الصورة والفكرة
كانه سطح مراية
ما فيهش اى اية
ان ما فيهش تباريح
بس القصد سليم
الشاعر عبد الله الهوارى قنا قوص جرا جوس
