كلام راقى
سيناريو ممل .
فيلم ساقط جماهيريا.
مفروض علينا التصفيق .
مفروض علينا أن نقص ونحكى عنه بأروع الكلام .
الدنيا جميله والناس مرتاحه والأشيه معدن .
سألتنى أم شوقى سؤال ما وجدت له إجابه
بس قدرت أضحك عليها بكلمتين
قالت .يا أبو شوقى ياخويا أنا شايفه إللى بيحكمونا يستكردونا.
ومعاملتهم معانا مش معامله بنى أدمين
الحال صعب والعيشه ضنك ويوهمونا إن كله زين .
قلت ياوليه إفهمى شويه
الإخلاص مات وحرامى الغسيل طور نفسه .
هيعمل إيه بهدمتين مقطعين بحبل غسيل مقطوع وموصول بعقد كتير من فقر وقله حيل .
اليومين دول تطور الأمر يعمل نفسه مستثمر يلبس بدله وكرفت ويلمع جزمته وما ينسى هاتفه ونظاره العين
ويدخل البنك يضربوا له تعظيم سلام
ويخرج بشنطه مليانه أخضر وأصفر وبلونين .
على بابا والأربعين حرامى إحتاروا من فكر وسرقه البيه
وأنا بتكلم مع أم شوقى خبر عاجل بالتلفاز.
قال إيه رئيس الوزراء يهيب بالشعب ترشيد الطاقه والأكل يكون مرتين
يبقى معى حق لما قلت سيناريو ممل وفيلم ساقط .
بس والله عمرى ما كنت جبان وعمرى ما إتفرض على شيئ
الأعور أقول له أنت أعور فى عنيه
والفيلم ساقط والروايه هبله ومش ممكن أصدق إن الدجاجه تلد والفيل يبيض فى اليوم بيضتين .
عايز تقنعنى عندما تلد دجاجتك ويبيض الفيل إرسل لى لأرى .
حينها أصدق إنك بحق قادر على حمايه البيت .ربيع
