حبيبتي
مكتوب على جبينى اسمك من سنين ..
طاب ليه اقابلك واحنا مغربين ..
ليه تتولدى فى زمن وانا فى زمن ..
واللى يجمعنا بس الحنين ..
انا فى مكان وانت فى مكان ..
مجروحين ..متفرقين ..
وليه يكون مكتوب بينا بس السكات ..
طاب نعمل ايه طاب فى العمر الى فات ..
و ليه يكون بدل كوشه الفرح..
صوان عزاء ..
على الحلم اللى مات ..
وليه مكتوب على كفوف البنات
ان العشق حرام وان الحب مات..
وان الحنة نشفت وبقت تاتو بلاستك موش نبات ..
وليه يكون الامل بتاع بكره شويه ذكريات..
وليه تدبل مشاعرنا من غير لقاء ..
وليه من غُلبنا لما كنا نتكلم ..غناء..
نلاقى اللى بنحبهم خلاص سكنوا السُكات..
وليه يا حبيبتى القاك عصفور صغير ..
وانا صقر عجوز ساكن غروب الشمس..
اللى باقى من عمره يا دوب ساعات ..
اى حد عنده اجابه ....يكتبها من سكات ..
احمد بيومى تغريده غروب