ع الرصيف
بيلقط رزقه حبة حبة زى الطير
بكام كرسى وحبة طقاطيق وكام حصير
والرزق يحب الخفية
ملاغى وزباينه يحبوا الملاغية
بيدارى ورا ضحكه مشاكله
من ضحكه مش باين على شكله
همومه اللى جواه مخفية
لكن بيطلعها بخفة دمه
فاهمينها زباينه اللى هما اهله
من صوته اللى كله حنية
وحلو زى شايه اللى مفيش زيه
لما ينادى ف ساعة العصرية
الشاى ايوة الشاى
اللى بيعدل الدماغ المايلة
اشرب يا ابو عمة مايلة
الشاى بينشط التفكير
ويخليك تاكل كتير
هات خمسينة يا ابو سمير
ايوة جاى
ويا جى طير
اشربها وادعيلى هطير طير
وانت ماشى مروح
والصيف مروح
والشتا جاى
اشرب يا خفيف
عندكش تصريف
والرزق خفيف
العيال يا اخويا ابو منير
بقوا جيش غزير
الطف يا لطيف
عشر سنين الكبير
وجاية مدارس ومصاريف
عايزالها مريلة البت عبير
ومقلمة وكرا ريس للبت تيسير
وفاتورة استوديو التصوير
بس ربك كبير
هب وجه كام عسكرى على كام غفير
وحضرة جناب المامور
وقالوله يلا روح من هنا وغور
لا خلو كرسى ولا حصير
يلا انفد بجلدك وروح سليم
هنكسر عضامك لو عايز
هيروح سليم جايز
لكن ازاى سليم هيروح؟
وخاطره المسكين مكسور
الشاعر عبد الله الهوارى قنا قوص قنا جرا جوس
