قسمة و نصيب
والقدر فرق
كنا ا تنين
واحد غرب وواحد شرق
والدنيا حطت وشالت
و باقى فى القلوب ذكرى
وعذاب لما تحن
و باقى م الطريق طريق
و بكرة جاى متفرق
وباقى من الحبايب سر
وباقى من الفراق اسرار
و باقى من الزهور زهر
و باقى من الحروف اشعار
و باقى من الغناوى غنوة
وباقى من الافلام فيلم
وباقى من المنى منوة
وباقى من الاحلام حلم
وباقى من الامواج موجة
ومركب حب بتغرق
وباقى من الاتنين واحد
وباقى من الواحد حبيب
الشاعر عبد الله الهوارى قنا قوص جرا جوس
