* اكيد انتي فاكره * .............
* اكيد انتي فاكره .... في بعدك حياتي هتبقي جحيم ....
وبعدك هاعيط .... وهالطم .... واصوت زي الحريم .....
غلطانه سيادتك ... ويؤسفني اقولك ... ده كل ماتيجي سيرتك ...
بستعيذ بالله من الشيطان الرجيم *
......................
* ده كل اللي فيكي وش جميل .... وشوية مظاهر .....
وبارفان كويس ....ونضاره حلوه ..... وتجميل مناظر ....
لكن متعرفيش ... ايه معني الحنين ... وحب السنين ... وطعم المشاعر *
.....................
* ماانش هابكي ابدا عليكي ..... لانك مجرد سراب ...
وعشت ايام معاكي تافهه .... وكئيبه .... واسود م الهباب .....
لكن دلوقتي خلاص ..... بقيتي بالنسبه ليا....
زي هدمه قديمه مرميه في دولاب *
....................
*ياحدوته ماسخه ..... ياحكايه فارغه ..... ياغلطة حياتي ....
ده انا مسحت اسمك .... وصورتك ورسمك .... من البوم ذكرياتي ....
ده انا كنت هابقي .... اتعس واشقي .... زوج لو بقيتي انتي مراتي *
...................
* اكيد انتي فاكره ..... في بعدك بعد الساعات والدقايق ......
ومخنوق تملي .... وعصبي وقرفان .... ودايما مضايق .....
لا ماتصدقيش .... ده انا عايش حياتي .... وباكل وبشرب ....
وانام واصحي فايق *
..........................
.................... ( وليد ) ..........
